សេចក្តីជូនដំណឹងស្តីពីការបើកតំបន់សម្បទានរ៉ែសម្រាប់ការដាក់ពាក្យសុំអាជ្ញាបណ្ណស្វែងរុករករ៉ែលោហៈនៅខេត្តបាត់ដំបង
នៅថ្ងៃទី ២១ ខែ សីហា ឆ្នាំ ២០១៧ រដ្ឋមន្ត្រីក្រសួងរ៉ែ និងថាមពល បានចុះហត្ថលេខាលើសេចក្តីជូនដំណឹងមួយពីការប្រកាសបើក តំបន់សម្បទានរ៉ែចំនួន ០១ ដែលមានទីតាំងស្ថិតនៅតំបន់ឃុំតាសាញ និងឃុំកំពង់ល្ពៅ ស្រុកសំឡូត ខេត្តបាត់ដំបង មានផ្ទៃដីសម្រាប់ធ្វើការស្វែងរុករករ៉ែលោហៈចំនួន ១៤៩ គីឡូម៉ែត្រក្រឡា សម្រាប់ក្រុមហ៊ុនរ៉ែក្នុង និងក្រៅប្រទេស ដែលបានចុះបញ្ជីត្រឹមត្រូវក្នុងព្រះរាជាណាចក្រកម្ពុជា ដាក់ពាក្យសុំអាជ្ញាបណ្ណស្វែងរុករករ៉ែលោហៈ ចាប់ពីថ្ងៃនៃសេចក្តីជូនដំណឹង រហូតដល់ថ្ងៃទី ២៩ ខែកញ្ញា ឆ្នាំ២០១៧។ ចំពោះក្រុមហ៊ុនរ៉ែ ដែលបាន និងកំពុងកាន់អាជ្ញាបណ្ណធនធានរ៉ែលើសពីមួយ ពុំមានសិទ្ធិដាក់ពាក្យសុំអាជ្ញាបណ្ណស្វែងរុករករ៉ែលោហៈនេះទេ។
ក្រសួងរ៉ែ និងថាមពល
